Ты ня сьніся мне, мама, І не ваб у краіну, дзе ружы сінія. (Пачакай! Ну, крыху!) Асабліва на гэны раз. Ты ж так рэдка бачыла кветкі мімозы І (яшчэ радзей) добры квет туберозы, І – зусім ніколі – кветкі гліцыніі, І астатнія дзівы, якім прысьвячу я свой сказ. Пачакай мяне, мама! Ёсьць бярозы ў вільготнай лагчыне, Ёсьць Дняпра старыкі і дубоў векавых запавет, І народ мой, якому я вінен Ўсім, Ўсім шчасьцем, турмой і чужынай, Той народ, у якім, можа, ўвеку ніхто не загіне, Калі я, Нават я, што даўно за табою пакінуў Твой Сьвет.
15.ХІІ.1980.
|
|